Da que pensar

Actualizado em (Quarta, 12 Maio 2010 12:20) Escrito por Faustino Antão Quarta, 12 Maio 2010 00:00

Chegou-me este bideo, i quien l fizo dezie-me “que grande lhiçon tenemos que sacar deiqui”.

Ye berdade, porque la maiorie de nós ten quaije todo a mano.

Solo l titalo (biblioburro) yá ye oujeto de reflecion, porque a mi ls purmeiros lhibros, para alhá de ls d'anstruçon scolar (scuola purmaria), chegórun-me de Bibliocarro (era la carrinha de la Glubenkien) que passaba n´aldé i paraba eili na Capielha (centro de l’aldé), adonde podiemos quedar culs lhibros i apuis de ls ler, antregar-los i quedar cun mais.

Tamien mos queda l’eideia que todo s’arregla çque haba buntade i motibaçon, i nestas cousas d’ansino i de cultura ainda mais, s’alguas dúbedas hai quédan sfumadas quando sabemos l que bai pul mundo, quando se pensa que hoije ls ninos i ninas nun daprénden por falta de meios nas scuolas.

Será que tener todo, sien sfuorço, sien saber porque se ten, ye buono?