Bersos-De l nial de la ciguonha pa l “Nial de la Boubielha”

Actualizado em (Quarta, 31 Março 2010 17:24) Escrito por Belmiro Antão Terça, 16 Março 2010 00:00

 

 

 

...l choupo nun para de medrar..

 

 

(tiu Belmiro)

Zenízio stá mais quelorido
Las ciguonhas yá chegou
Al casal mas antigo
Que para esta tierra eimigrou

La matraca a tocar
Cumo ye habitual
Para anunciar
Que yá stan ne l nial

L choupo nun para de medrar
Eilhas beien-se mui mal
Custa-le muito antrar
Para andrento de l nial

Ai que poner un de cimento
Adonde nun médran ls galhos
Porque assi pássan ua termienta
Ténen tantos trabalhos

Estas ciguonhas pimponas
Asparece que son armanas
Meten-se nas lhagonas
A caçar rabudos i ranas

Siempre d’eigual bestidas
Bestes brancas i pretas
Ténen las piernas tan lhargas

Nunca mólhan las cuecas

Quando ls tratores stan a lhabrar
Ban atrás mui felizes
Para íren apanhar
Ratos i lhumbrizes

De las ber yá tengo gana
Bou poner-me a camino
De la lhagona de la Chana
Ou de la de Baixa Martino

 

 

Este retrato ye de la lhagona de ls Barreiros, lhagona que las ciguonhas tamien le gusta besitar

.......................................................................................

Comentairos

-  Tenho acompanhado o vosso saite e gostei dos versos do nosso primo Belmiro às cegonhas,

 

-Fai l tou comentairo, dá la tue oupenion que chegará al outor.

-Ambia testos, retratos, cuontas, lhonas que las botamos eiqui ne l site

 

Bonda acalcar neste link http://nialdelaboubielha.org/index.php?option=com_contact&view=contact&id=1&Itemid=60