Comunicaçon de l persidente de la Direcion de l'Associaçon C i R Nial de la Boubielha

Actualizado em (Terça, 30 Novembro 1999 00:00) Escrito por Leonardo Antão Quarta, 23 Dezembro 2009 00:00

Stimados Associados

Al efetuar l baláncio de las atebidades i de ls eibentos que se realizórun ne l corriente anho  (missa i almuorço,  piquenique i jogos tradecionales, palhestras de l Amadeu Fireira, comemoraçon de l 10º anibersairo, lhançamiento de l lhibro de  Faustino i magusto) la Direçon de l'Associaçon Cultural i Recreatiba Nial de la Boubilha manifesta un boto d'agabon i agradecimiento a todos ls associados que cuntrebuíran pa l'eisecuçon destes Eibentos, pa l'animaçon, pa l'alegre cumbíbio i para melhorar l'ounion de ls Zenízienses, mirandeses, familares i amigos que neilhes partecipórun.

Merece un special çtaque l fato de tenermos cuntribuido pa la segneficatiba eiboluçon qualitatiba ouperada durante l corriente anho pa la cuncretizaçon de ls oubjetibos de l'Associaçon, nomeadamente l de “manter biba la lhéngua mirandesa” .

Cuntinamos a cuntar cula colaboraçon de todos ls associados para cuntinar a dignificar ls ZeníZienses i ls Mirandeses.

Gratos pula buossa colaboraçon, a todos, ancluindo a las buossas famílias, deseio un Santo i Feliç Natal i un binturoso Anho Nuobo.

Leonardo Antão

Este endereço de e-mail está protegido de spam bots, pelo que necessita do Javascript activado para o visualizar