"Quien somos"

Actualizado em (Quinta, 15 Abril 2010 08:08) Escrito por Administrator Quarta, 14 Abril 2010 00:00

L'Associaçon Cultural i Recreatiba"Nial de la Boubielha" (ACRNB), ye ua camarada de pessonas de l'aldé de Zenízio-Miranda de l Douro, sous decendientes i amigos, que bíben an Lisboua i alredores.

Ten cumo oujetibos mantener bibas las tradiçones i questumes de la region adonde la maiorie naciu, nun deixar que se muorran ls jogos tradecionales, apoiar l ansino i dibulgaçon de la lhéngua mirandesa, seguindo la scrita de la Cumbençon Ourtográfica de la Lhéngua Mirandesa.

Fizo l sou registro notarial an lhéngua Mirandesa, cun publicaçon ne l "Diário da República nº239 IIIª Série de l die 13 d'Outubre de 1999".

Por isso, ls sous statutos son l purmeiro decumiento associatibo nesta lhéngua apuis l'oufecializaçon cula lei 7/99 de Janeiro.

La sue oufecializaçon bieno de la gana de ls associados an dar cuorpo i nome aqueilho que yá mais de trinta anhos benien fazendo.

Cumbíbios, magostos, comemoraçones de ls dies de nomeada de l'aldé i ls jogos tradecionales d'alhá.

La sue oufecializaçon fui tamien ua necidade para assi ser recoincida puls bários uorganos oufeciales, i assi ls Zenízienses, sous decendientes i amigos podíssen eilegir ls sous uorganos de direçon an cunfurme culs statutos d'Associaçon Cultural i Recreatiba, mobidos siempre por oujetibos sanos nua armandade de dreitos, sien agarrar lúcaros.

Ten al lhargo de todos estes anhos l'Associaçon mantenido ls magostos, cumbíbios i fazido ls jogos tradecionales. An parcerie cula Associaçon de la Lhéngua Mirandesa, cursos de l ansino, scrita, fala i dibulgaçon de la lhéngua.

Siempre abierta a to la quemunidade, quier ser un lhugar d'ancuontro adonde quienquiera puoda lhibremente star i dar la sue ajuda.

Assi se justifica l salimiento deste Sítio an Mirandés i Pertués, un spácio que se quier que seia de respeito pulas eideias i oupeniones de todos.

Em português

A Associação cultural e Recreativa "Nial de la Boubielha", é um colectivo de pessoas da aldeia de Genísio-Miranda do Douro, seus descendentes e amigos, que vivem em Lisboa e arredores.

Tem como objectivos manter vivas as tradições e costumes da região onde a maioria nasceu, não deixar morrer os jogos tradicionais, e apoiar o ensino e divulgação da língua mirandesa, seguindo a escrita da Convenção Ortográfica de Língua Mirandesa.

Fez o seu registo notarial, em língua mirandesa, com publicação no Diário da República nº 239 III de 13 de Outubro de 1999.

Por isso os seus estatutos são o primeiro documento associativo nesta língua, após a sua oficialização com a lei 7/99 de 29 de Janeiro.

A sua oficialização veio da vontade dos associados em dar corpo e nome aquilo que já mais de trinta anos vinham fazendo. Convívios, magustos, comemorações de dias festivos na aldeia e os jogos tradicionais de lá.

A sua oficialização foi também uma necessidade para assim ser reconhecida pelos vários organismos oficiais, e assim os Genísienses, seus descendentes e amigos puderem eleger os seus órgãos de direcção em conformidade com os estatutos de Associação Cultural e Recreativa, movidos sempre por objectivos sãos numa igualdade de direitos, sem fins lucrativos.

Tem ao longo de todos estes anhos mantido os magustos, convívios e realizado os jogos tradicionais e populares. Em parceria com a Associação de Língua Mirandesa, cursos do ensino, escrita, conversação e divulgação da língua.

Sempre aberta a toda a comunidade, quer ser um ponto de encontro, onde livremente todos possam pôr as suas ideias e opiniões.

Como associação de maioria mirandesa, quer dar o seu contributo no crescimento e enriquecimento cultura e associativo onde os seus associados vivem.

Assim se justifica o aparecimento deste Site em Mirandês e Português, um espaço que se quer que seja de respeito pelas ideias e opiniões de todos.

 ------------------------------------------------------------------------------------------------------------------

COMENTAIROS

 Válter Deusdado< Este endereço de e-mail está protegido de spam bots, pelo que necessita do Javascript activado para o visualizar >

Caro Faustino
Que guapa ideia poneres esse assunto eiqui.

Tenemos proua, i ls motibos son grandes. L'Associaçon ten andado un bun camino. Todos ls associados dében benir al ancuontro de l próssimo Purmeiro de Maio, la coincida sardinada i nun só.

Un abraço
Válter

Leonardo Antão < Este endereço de e-mail está protegido de spam bots, pelo que necessita do Javascript activado para o visualizar >

Stimada Admenistraçon de l sítio nialdelaboubielha:
Ye guapo ber la grandura de l trabalho desta nuossa Associaçon Cultural i Recreatiba Nial de la Boubielha.
Sinto muita proua an ser un de ls ampulsionadores i Persidente de la Direçon desta associaçon, hai mais de 15 anhos.
Culs ésitos i fracassos desta spriéncia, muito tenie para bos dezir, zabafar, rir i chorar. Mas l mais amporatante yá stá eiqui dezido ne l buosso testo.
Assi lhemito-me a salientar que l’associaçon ye, para mi, la maior obra de colaboraçon de bárias  pessonas zenizienses e mirandesas i la que mais ten cuntribuido pal zambolbimiento i dibulgaçon la lhéngua mirandesa.
Cula colaboraçon de l’admenistraçon deste Sítio nialdelaboubielha yé ua de las maiores obras de cumonicaçon i de criaçon de amisades antre mirandeses i pertueses que aprecian la nuossa lhéngua.
L’associaçon yé ua obra mui anriquecedora para mantenermos la fidelidade als questumes i tradiçones de l nuosso houmilde rincon mirandés i la lhéngua i cultura mirandesas.
Tenemos cuncéncia de que esta Associaçon ten ajudado a melhorar l cumbíbio de las familias zenízienses i a criar ua mais fuorte lhigaçon antre las que bibimos eiqui por la grande Lisboua.
De l fondo de l coraçon, un fuorte muito oubrigado i un mui arrochado abraço a todos ls ls associados de Associaçon Cultural i Recreatiba Nial de la Boubielha i que Dius mos ajude muitos mais anhos a cuntinar a cantar “Biba Zenízio, tierra sien par, yes un cantico lindo, lindo d’ancantar”.
Leonardo Antão

Antonho Carrasqueiras - Este endereço de e-mail está protegido de spam bots, pelo que necessita do Javascript activado para o visualizar

 Tamien cuido que la criaçon deste sítio, fui ua buona eideia.

 Passados que son trés anhos, i you porqui tengo andado siempre spreitando i colaborando cuas miserables i fedientas eideias, deixai que bos diga, falando baixico, nun porque bós tengades algue a scunder, mas si porque debe ser dito cun antemidade.

 L site de l'Associaçon ten sido l "carton de besitas" al mundo, que yá benie percisando.

 Nun tener un modo de s'amostrar, nestes tiempos de las nuobas tecnologies era un erro, ten trabalhado bien l'Associaçon n'ounion de ls Zenízienses, s'assi ye debe tener jinelas, mais que nun seia para amostrar esse trabalho.

 Se para alhá inda dir upas ne l campo de l associatibismo, na dibulgaçon de património cultural i lhenguístico, muito melhor.

Palantre ye l camino

Un abraço

Antonho Carrasqueiras

-Fai l tou comentairo, bonda acalcar "Eiqui"