Benbenido al site de la Associaçon Cultural i Recreatiba "Nial de la Boubielha"
Ls Zenizienses stan de lhuito
Actualizado em (Sábado, 31 Julho 2010 13:48) Escrito por Administrator Sábado, 31 Julho 2010 00:00
Ls Zenisienses stan de lhuito.
La família Domingues, quier eiquei deixar ls sous
Sinceros i sentidos agradecimientos a todos ls que stubírun cun eilhes i fúrun muitos, nestes dolorosos momientos pula perda de l sou ente querido Clemente Domingues. Quier inda deixar un bien haia special a l’ Associaçon Nial de la Boubielha de la qual Clemente Domingues fui un de ls fundadores, por haber dado las amboras inda que tristes subre la sue muorte, a la Junta de Freguesie de Corroios, a La Câmara de l Seixal i a la Guarda d’ Honra de la Marina que se çpediu del cun três salbas de tiro.
La missa de l sétimo die ye sábado die 31 de Julho a las seis i meia de la tarde i la missa de l mês ye die 27 de Agosto a las seis de la tarde, ambas a dues na Eigreija de Bal de Milhaços
Francisco Domingues
ÇPEDIDA
Traéis-me flores!
Porquei tantas?
I de todas las quelores
Yá sei…!
Ye porque naci ne l Praino.
Nun lhugar probe,
Mas cun magie.
Adonde an cada Primabera,
L Ciclo de la Bida se Renuoba.
Cul florescer de milhones de flores,
Que lhibértan suabes ou fuortes oulores.
Mas son eifémeros.
Porque sien se dar de cuonta,
L Berano chega,
I lhieba la magie de las flores.
Cumo un lhadron,
Seca todo.
I pon l fraguedo çpido
Mas, mesmo assi…
L Praino Mirandés cuntina cun la sue magie.
Traístes-me flores!
Porque son guapas, mas eifémeras.
Tal i qual la nuossa bida.
Ua passaige, nada mais ye la nuossa bida.
Bibei-la an cada die cumo se fusse l derradeiro
I, fazei-lo cun Amor, Alegrie i Paç.
Botai acá para fuora l ódio, la raiba, la mintira, l’ ambeija i la meçquinheç…
Porque solo se bibe ua beç.
Eirene Domingues
Pu'Admenistraçon de l site
-11º Festibal Intercéltico de Sandin i curso d'einiciaçon a la lhéngua mirandesa
Actualizado em (Quarta, 21 Julho 2010 13:03) Escrito por Administrator Quinta, 29 Julho 2010 00:00
Para saber mais calcar n'eimaige
Curso de Mirandés
Bai a realizar-se un curso de einiciaçon a la lhéngua mirandesa ourientado pul porsor i ambestigador Amadeu Ferreira, ne l salon de ls boubeiros an Sendin por altura de l festibal
L'Admenistraçon de l site
Parabienes a l'ass.Maria C. Martins
Actualizado em (Terça, 30 Novembro 1999 00:00) Escrito por Administrator Quarta, 28 Julho 2010 00:00
L'Admenistraçon de l site
-Fai l tou comentairo, bonda acalcar "Eiqui"
La quemunidade Zeniziense stá de lhuito
Actualizado em (Sábado, 24 Julho 2010 09:47) Escrito por Administrator Sábado, 24 Julho 2010 00:00
Faleciu l nuosso cunterráneo i amigo Clemente Domingues
A la sue tie, filha, nietas, armanos, armanas, sobrinos i demais familiares, nesta hora triste deixamos ls nuossos sentidos pesámes.
Tiu Clemente cumo Zeniziense pertence a ua de las familias muito stimada de la nuossa Aldé. Siempre prontos para todo al que fusse dar ua upa, zde la purmeira hora stubo, n'ourige de la criaçon de l'Associaçon Cultural Nial de la Boubielha, cumo fundador i percursor, dende dezir que siempre tubírun ganas i gusto pul associatibismo i la cultura.
Cumo anformaçon dezimos que:
-L sou cuorpo seguirá hoije a la tarde pa l'Eigreija de Val de Milhaços
-La missa será manhana a las 14.30 horas
-Seguirá pa l semitério de Santa Marta-Corroios-Seixal.
L'Administraçon de l site
Continuar...
Página 4 de 42
